Mujhe khabar thi woh mera nahi paraya tha

Mujhe khabar thi woh mera nahi paraya tha
Par dharkano ne usiko khuda banaya tha

Mai khwab khwab jise dhundh ta phira barson
Wo ashq ashq meri aankh mai samaya tha

Tera qasur nahi jaan meri Tanhaye
Ye rog maine hi khud jaan ko lagaya tha

Tamam shehar mai ek woh hai ajnabi mujhse
Ki jisne geet mera shehar ko sunaya tha

paas itna kyon mere aa rahe ho

paas itna kyon mere aa rahe ho
pyaar itna kyon jataa rahe ho

manzoor nahi humko pyaar tumhara
phir kyon mere peeche aa rahe ho

thak gayin hoon mai zakhm bharte-bharte
tum kyon inhe aur barhaa rahe ho

andheron mein seekh liya hai jeena
chiragoN ko kyon jalaa rahe ho

tanhaaii mein umar hai guzri
kyon mehfilon mein bulaa rahe ho

uljhi huyi hai merii zindagani
tum kyon ise suljhaa rahe ho

ghamoN se hai apna rishta purana
tum kyon inhe cheene jaa rahe ho

ho sakta nahi sach jo kabhi bhi
sapney aise kyon dikha rahe ho

rahne bhi do mujhe mere haal pe
kyon tum mujhe samjhaa rahe ho

mar chuka hu main kabka
laash meri,ab kyon jala rahe ho

jaa rahe ho agar duur mujhse sanam

jaa rahe ho agar duur mujhse sanam -
phir mere paas aana nahi
yeh bhi mumkin nahi main palat na saku
isliye itna wada karo
mujhko aawaz dena nahi
jaa rahe ho agar duur muhjse sanam
phir mere paas aana nahi
yeh bhi mumkin nahi main palat na saku
isliye itna wada karo
mujhko aawaz dena nahi

mil bhi jaayen agar ham tumhen raah mein
pher lena nazar par milana nahi
dekh lu bhi agar tum hamein bhool se
apni aankhon mein tum ashk lana nahi
dil se humko to tum kar chunke ho juda
aankh se bhi girana nahi

tumne maangi dua humko miley har khushi
tum hi meri khushi phir kyun miley na hamein
tumne li hai kasam gam na karna kabhi
tum sikhado zara muskurana hamein
tumne keh toh diya yaad karna nahi
khwaab mein tum bhi aana nahi
khwaab mein tum bhi aana nahi
khwaab mein tum bhi aana nahi
khwaab mein tum bhi aana nahi

agar kabhi meri yaad aaye

agar kabhi meri yaad aaye
toh chand raaton ki narm dilgeer roshni mein
kisi sitaray ko daikh lena
agar wo nakhl-e-falak se urr kar
tumharay qadmon mein aa giray to yeh jaan lena
woh istaa’ra tha mere dil ka
agar na aaye…
magar…
yeh mumkin hi kis tarah hai keh tum
kissi per nigah dalo
aur uss ki deewar-e-jaan na toote
woh apni hasti na bhool jaaye
agar kabhi meri yaad aaye,
gurez karti hawa ki lehron pe haath rakhna
mein khushboo’on mein tumhein miloon ga
mujhe gulabon ki pattiyon mein talash karna
mein aus qatron ke aainon mein tumhein miloon ga
jo aus qatron ke aainon mein na pao mujh ko
toh apne qadmon mein dekh laina…
mein khaak hoti musafaton mein tumhein miloonga
kahin pe roshan chiragh dekho to jaan lena keh…
har patangay ke saath mein bhi bikhar chuka hoon
tum apne haathon se unn patangon ki khaak darya mein daal dena…
mein khaak ban kar samandaron ka safar karoon ga
kissi na dekhe huay jazeere peh ruk ke tum ko sada’ein doon ga
samandaron ke safar peh niklo…
toh uss jazeeray peh bhi utarna

Tumhein mujh se mohabbat hai

mohabbat ki tabiyat mein
yeh kaisa bachapana kudrat ne rakha hai

ke jitni puraani jitni bhi mazboot ho jaey
issey taeed-e-taaza ki zaroorat phir bhi rehti hai
yaqeen ki aakhri hudd tukk dilon mein lehlahaati ho
nigaahon se tapakti ho dilon mein jagmagati ho
hazaaron tarha se dilkash haseen haaley banati ho
ussey izhaar ke lafzon ki haajat phir bhi rehti hai

mohabbat maangti hai yun gawahi apney honey ki
ke jaisey tifl-e-saada shaam ko ik beej boey
aur shab mein barha uthey
zameen ko khod kar dekhey
ke pauda ub kahan hai

mohabbat ki tabiat mein ajab takraar ki khuu hai
ke iqraar ke lafzon ko sun-ney se nahi thakti
bicharney ki gharri ho ya koi milney ki sa'at ho
issey buss eik hi dhunn hai
kaho mujhse mohabbat hai
kaho mujhse mohabbat hai

kuch aesi beysakooni hai wafa ki sar zameenon mein
ko jo ehl-e-mohabbat ko sada beychain rakhti hai
ke jaisey phool mein khushboo ke jaisey haath mein taara
ke jaisey shaam mein taara
mohabbat karney walon ki sahar raaton mein rehti hai
gumnaam si shaakhon mein asshiyan banta hai ulfat ka
ya ain visaal mein bhi hijr ke khadshon mein rehti hai

mohabbat ke musaafir zindagi jub kaat chuktey hein
thakan ki kirchiyan chunntey wafa ki ajrakein pehney
samay ki rahguzar ki aakhri sarhad pe ruktey hein
tu koi doobti saanson ki dori thaam kar
dheerey se kehta hai
ke yeh sach hai na
humari zindagi ik doosrey ke naam likhi thi
dhundhalka sa jo aankhon ke qareeb-o-duur phela hai
issi ka naam chaahat hai
tumhe mujhse mohabbat thi
tumhe mujhse mohabbat hai

mohabbat ki tabiat mein
yeh kaisa bachpana kudrat ne rakha hai

Mujhay aksar yeh kahti thi mohabat kuch nahi hoti

Mujhay aksar yeh kahti thi mohabat kuch nahi hoti
hijr ka khof be matlab, wasal k khawab be maaini
koi soorat nigahon main kahan din raat rahti hai
ussay kiyun khamoshi kahiye k jis main baat rahti hai
ye aansoo be zubaan aansoo bhalla kia bol saktay hain
kahan dil main kissi ki yaad say toofaan uthtay hain
kahan palkon k saye main nammi din raat rahti hai
kahan hoti hain woh aankhain jahan barsaat rahti hai
mujhay aksar yeh kahti thi mohabbat kuch nahi hoti
magar jub aaj barson baad main nay usko daikha hai
k uski jheel aankhon main hijr ka khof rahta hai
wasal k khawab rahtay hain wahan barsaat rahti hai
youn lagta hai kayee raaton say woh soyee nahi shayad
youn lagta hai kissi ki yaad ab din raat rahti hai
aur uski naram palkon k haseen saye bhi geelay hain
aur uski khamoshi aisi k jis main baat rahti hai
mujhay ab woh nahin kahti mohabat kuch nahi hoti
k ab shayad mohabat ki woh sub rimzain samajhti hai

wo jo mera sub kuch tha mein usay kabhi bta na ska

wo jo mera sub kuch tha mein usay kabhi bta na ska
wo meri baat na samajh saka na apni mujhay samjha saka

mein nay jab bhi jazbon ki us say baat karni chahi
na us nay meri suni na apny mujhay suna saka

main nay us ki furkat mein saray jahan ko chor dya
wo mera phr bhi hua nahi na apna mujhay bana saka

wakt e judai meray zabt kay daman toot gay
mein nay us say lipat kayu rona chaha wo hath bhi na mila saka

aik arsay bad wo mila mujhay bas itna us nay kaha mujhay
na tum say pehlay koi dil mein tha na teray bad kisi ko chah saka

Ab aesi muhabbat kya karni

Kehnay Ko Muhabbat hai lakin

Ab aesi muhabbat kya karni

Jo neend chura ley ankhon se

Jo khawab dikha ye pholon k

Tabeer main kantay de jaye

Jo gham ki kali raaton se

Her aas ka jugnu ley jaye

Jo khawab sajati ankhon ko

Aansu hi aansu de jaye

Jo mushkil ker de jeenay ko

Jo marnay ko asaan karay

Woh dil jo Pyar ka mandir ho

Wo yadoon ko mehman kare

Ab Aisi Muhabbat kya karni

Jo umer ki naqdi ley jaey

Aur phir bhi jholi khali ho

Woh soorat DIL ka rog Bana

Jo soorat dekhi bhaali ho

Jo Qais bana de Insan ko

Jo Ranjha Aur Farhad karay

Ab Aisi Muhabbat kya karni..?

Jo khushiyon ko Barbad kare

Dekho to Muhabbat k Baray

Har shakhs yahi kuch kehta hai

Socho to Muhabbat k Ander

Ik Dard humesha rehta hai

Phir Bhi Jo cheez MUHABBAT hai

Kab In baaton se Darti hai

Kab in k baandhay rukti hai

Jis DIL main iss ko Basna ho

Yeh Chupkay say Bas jati hai

AB AISI MUHABBAT KIA KARNI???

Yeh Pichlay Ishq Ki Baatein Hein

Yeh Pichlay Ishq Ki Baatein Hein
Jab Aankh Mein Khuwaab Chamakte The
Jab Dil Mein Daag Damakte The
Jab Palken Sahaher Ke Raston Par
Ashkon Ka Noor Luta Ti Thin
Jab Chand Ki Rim Jhim Kirno Se
Sochon Mein Bhawanr Parr Jaate The
Jab Aik Talatum Rehta Tha
Apne Be Ant Khayalon Mein
Har Ahad Nibhane Ki Qsmein
Khat Khoon Se Likhne Ki Rasmein
Jab Aam Thi Ham Dil Walon Mein
Yeh Pichley Ishq Ki Baatein Hein

Abhi ik Khawab Baqi Hai

Abhi ik Khawab Baqi Hai
Abhi jugnoo nahin rothay
abhi aansoo nahin totay
abhi soraj nahin jaaga
abhi taray nahin dobay
abhi mehtab baqi hay
abhi ek khawab baqi hay
abhi manzil nahin aai
abhi rasta nahin tehra
abhi jangal nahin guzra

Tujhay Ishq Ho Khuda Karay

Tujhay Ishq Ho Khuda Karay 

Tujhay Us Say Koi Juda Karay

Taire Hoont Hansna Bhool Jaain
Taire Aankh Pur-Num Raha Karay
To Us Ki Baatain Kya Karay
To Us Ki Baatain Suna Karay
Usay Daikh Kar To Ruk Jae
Wo Nazar Jhuka Kar Mila Karay
Tujhay Dosti Bhi Na Raas Aae
To Tanha Tanha Phira Karay
Tujhay Hijar Ki Wo Jhari Lagay
To Milan Ki Har Pal Dua Karay
Taire Khuwaab Bikhrain Toot Kar
To Kirchi Kirchi Chuna Karay
To Gali Gali Sada Karay
To Nagar Nagar Phira Karay
Tujhay Ishq Per Phir Yaqeen Ho
Usay Tasbiyoon Per Gina Karay
Phir Main Kahoon Ishq Dhoong Hai
To Nahi Nahi Kya Karay

Apnay Ehsaas Say Choo Kay Mujhay Sandal Kar Do

Apnay Ehsaas Say Choo Kay Mujhay Sandal Kar Do
Main Kay Sadiyon Say Adhoora Hoon Mujhay Mukkammal Kar Doh
Na Tumhay Hosh Rahay Na Mujhay Hosh Rahe
Iss Qadar Toot Kay Chaho Mujhay Pagal Kar Do
Tum Hatheli Ko Meray Pyar Ki Mahndi Say Rango
Apni Aankhon Mein Meray Naam Ka Kajal Kar Do
Is Ke Saye Tallay Mere Khwaab Dhakk Uthain Ge
Mere Chehray Pe Chamkta Hua Anchal Kar Doh
Dhoop he Dhoop Hoon Main Toot Ke Barso Mujh Per
Is Kader Barso Merii Rooh Main Jal Thal Kar Doh
Jaise Sehrahoon Main Her Shaam Hawa Chalti Hai
Is Tarah Mujh Main challo Aur Mujhe Thall Kar Doh
Tum Chuppa Lo Mera Dil Oat Main Apne Dil Ki
Aur Mujhe Meri Nighaoon Se Bhi Ojhall Kar Doh
Maslaa Hoon Toh Nighain Na Churao Mujh Se
Apni Chahat Se Tawajjah Se Mujhe Hall Kar Doh

Mujhko Hasrat hai Koi Youn Bhi Mujhe Piyaar Kry

Main Din ko Kahon Raat Wo Iqraar Kry.
Mujhko Hasrat hai Koi Youn Bhi Mujhe Piyaar Kry
Meri Khatir Wo Sahy Dunya ke Ta’ny , Dhaky
Nangy Pairon se Wo Seharaoun ke Kanty Chakhy.
Mujhko Paany Ke Liye June k Rozy Rakhy.
Main Hon Dewana, Wo Dewno Sa Izhaar Kry
Main Din ko Kahon Raat Wo Iqraar Kry.
Mujhko Hasrat hai Koi Youn Bhi Mujhe Piyaar Kry

Mein Yun Miloon Tujhse Ke Tera Libaas Ban Jaon

Mein Yun Miloon Tujhse Ke Tera Libaas Ban Jaon
Tujhe Bana Ke Samandar Aur Khud Pyaas Ban Jaon
Aaj Pehloon Mein Mujhe Toot Ke Bikhar Jane Do
Kal Ko Shayad Mumkin Nahi Ke Mein Tumko Paon
…
Tu Ban Jaye Lehar Aur Mein Sahil Ban Jaon
Ho Ishq Mera Sahil To Mein Roz Tujhse Takraon
Mein Yun Miloon Tujhse Ke Tera Libaas Ban Jaon
Tujhe Bana Ke Samandar Aur Khud Pyaas Ban Jaon…!!!

‘Mujhe teri mohabbat mein kho jaane do,

‘Mujhe teri mohabbat mein kho jaane do,
Har lamha mar ke aaj phir jee jaane do,
Isse mahobbat ne dil ko aaj phir dhadkaya hai,
Mujhe ishq ki baaho mein so jaane do,
Tadap ki aag hai judaai ki baahon mein,
Mujhe aaj iss mohabbat se mil jaane do,
Meri saans chalti hai tere naam ki aahat pe,
Mujh benaam ko iss naam mein kho jaane do,
Kasam tujhe chalne wali hawaon ki mehboob,
Mujhe iss mohabbat ki aag mein jal jaane do’

Jane kis cheez ki wo mujhko saza deta hai,

Jane kis cheez ki wo mujhko saza deta hai,
meri hansti huyi aankhon ko rula deta hai,
Kis tarah baat likhun dil ki usse, wo aksar,
doston ko mere khat padh ke suna deta hai,
Saamne rakh ke nigaahon ke wo tasveer meri,
apne kamre ke charaaghon ko bhuja deta hai,
Muddaton se to khabar bhi nahi bheji usne,
uski aadat hai wo apno ko bhula deta hai…

Abhi tu ishq mein aisa bhi haal hona hai

Abhi tu ishq mein aisa bhi haal hona hai
K ashk rokna tum sa mahaal hona haai
Har aik lab per hain mere wafaa k afsanay
Teray sitam ko abhi la-zawaal honaa hai
Tumhein khabar hi nahin,tum to lot jao ge,
Tuhare hijar mein aik lamha saal hona hai.
Humari rooh pe jab bhi azaab utrein ge,
Tumhari yaad ko is dil ki dhaal hona hai.
Kabhi to roye ga wo bhi kisi ki bahon mein,
Kabhi to uski hansi ko zawaal hona hai.
Mile gi hamko bhi apne naseeb ki khushiyan,
Bas intazar hai kab ye kamal hona hai.
Har ek shakhs chalay ga humari raahon par,
Muhabaton mein humain wo misaal hona hai.
Zamana jiske kham-o-paich mein ulajh jaye,
Humari zaat ko aisa sawal hon hai……..
Yaqeen hai mujh ko k wo lot aaye ga,
Usay bhi apne kiye ka malaal hona hai…

Chahay tu kam main la, Chahay nikama kar day

Chahay tu kam main la, Chahay nikama kar day
Main tera hoon, teri marzi mujhay jaysa karday
Main tera bemar hoon azloon say, Na mar jawoon kahieen
Ek nazar dekh lay mujh koo mujhay acha kar day…….!!!!!!
Mujh say bas itni he khuwahish meray maleek ke hay
Es k dil ko main Lubha don mujhay aysa karday….!!!!
Jo tera ho ga zamanay say wo kat jaye ga
Tu to jis shaks ko chahyee tanha kar day
Ayesa noor ayee k dunia mera chehra dekhay….!!!
Tu jo perlkoon ka meray Chehray pay saya kar day
Wo khuda tujh say faqeeroon ke tu sun layta hay
Us say kehna k mujhay ishq main Ruswa karday.!
Mujh ko deta hay wo ezat, yeh karam hay uska
Teray bas main ho agar tu mujhay Ruswa karday…

Mohabbat Farz Jaisi Hai

Mohabbat Farz Jaisi Hai
Nibhaana Seekh Jaoge
Dilo Pe Qarz Jaisi Hai
Chukaana Seekh Jaoge
Labo Pe Phool Jaisi Hai
Khilaana Seekh Jaoge
Nazar Mein Aag Jaisi Hai
Lagaana Seekh Jaoge
Tum Tak Faasla Jo Hai
Mitaana Seekh Jaoge
Kabhi Jo Dil Mein Aa Beithe
Zamaana Bhool Jaoge

Sumandar Mein Utarta Hoon Tou Aankhen Bheeg Jaati Hain

Sumandar Mein Utarta Hoon Tou Aankhen Bheeg Jaati Hain
Teri Aankhon Ko Parhta Hoon Tou Aankhen Bheeg Jaati Hain
Tumhara Naam Likhne Ki Ijazat Chhin Gayi Jab Se
Koi Bhi Lafz Likhta Hoon Tou Aankhen Bheeg Jaati Hain
Teri Yaadon Ki Khushbu Khirkiyon Mein Raqs Karti hay
Tere Gham Mein Sulagta Hoon Tou Aankhen Bheeg Jaati Hain
Main Hans K Jheel Leta Hoon Judai Ki Sabhi Rasmein
Gale Jab Uss K Lagta Hoon Tou Aankhen Bheeg Jaati Hain
Na Jane Ho Gaya Hoon Iss Qadar Hassas Main Kab Se
Kisi Se Baat Karta Hoon Tou Aankhen Bheeg Jaati Hain
Wo Sub Guzre Hue Lamhat Mujh Ko Yaad Aate Hain
Tumhare Khat Jo Parhta Hoon Tou Aankhen Bheeg Jaati Hain
Main Saara Din Bahot Masroof Rehta Hoon Magar Junhi
Qadam Choukhat Pe Rakhta Hoon Tou aankhen Bheeg Jaati Hain
Her Ek Muflis K Maathe Per Alum Ki Daastanen Hain
Koi Chehra Bhi Parhta Hoon Tou Aankhen Bheeg Jaate Hain
Bare Logon K Oonche Badnuma Aur Sard Mahlon Ko
Ghareeb Aankhon Se Takta Hoon Tou Aankhen Bheeg Jaati Hain
Tere Kooche Se Ab Mera Ta’alluq Wajbi Sa Hay
Magar Jab Bhi Guzarta Hoon Tou Aankhen Bheeg Jaati Hain
Hazaron Mausamon Ki Hukmarani Hay Mere Dil Per
Wasi Main Jab Bhi Hansta Hoon Tou Aankhen Bheeg Jaati Hain

‘Bohat Din Ho Gaye Shayad Sahara Kr Lia Us Ne

‘Bohat Din Ho Gaye Shayad Sahara Kr Lia Us Ne
Hmaray Baad B Akhir Guzara Kr Lia Us Ne
Hmara Zikr To Us K Labon Par aa Nahin Sakta
Hamen Ehsas Hy Hum Se Kinara Kr Lia Us Ne
Wo Basti Ghair Ki Basti Wo Koocha Ghair Ka Koocha
Suna Hy Ishq B Ab To Dobara Kr Lia Us Ne
Suna Hai Ghair Ki Bahon Ko Wo Apna Ghar Samajhta Hai
Lagta Hai Mera Ye Dukh Gawara Kr Lia Us Ne
Bhula Kr Pyar Ki Qasmen Wo Waday Torh Kr
“Wasi”
Kisi Ko Zindagi Se b Pyara Kr Lia Us Ne..!!’

Fuluk pay chand kay haaly bhe sogh kurty hen

Fuluk pay chand kay haaly bhe sogh kurty hen

Jo tou nahi tu ojaaly bhe sogh kurty hen

Tomhary Hath ki chori bhe bain kurti hey

Humary honth kay naaly bhe sogh kurty hen

Nughur Nughur bekhry hen Zolm kay Munzur

Humari Rooh kay chaaly bhe sogh kurty hen

Ossy kaho kay Sittum meah koch kumi kur day

Kay zolm torny walay bhe Sogh kurty hen

Tom apny dokh pay akaly nahi ho Afsordah

Tomary chahany waaly bhe Sogh kurty hen

tum meri ankh k tewar na bhula paoge

tum meri ankh k tewar na bhula paoge
ankahi bat ko samjhoge to yad aunga

ham ne khushyon ki tarah dukh bhi ikathe dekhe
safah-e-zist ko paltoge to yad aunga

isi andaz mein hote the mukhatib mujh se
khat kisi aur ko likhoge to yad aunga

sard raton k mahkate hue sannaton mein
jab kisi phul ko chumoge to yad aunga

ab tere ashk main honthon se chura leta hun
hath se khud inhen ponchoge to yad aunga

shal pahnayega ab kaun decembar mein tumhen
barishon mein kabhi bhigo ge to yad aunga

aj tum mahfil-e-yaran pe ho magrur bahut
jab kabhi tut k bikhroge to yad aunga

hadse ayenge jiwan mein to tum ho k nidhal
kisi diwar ko thamoge to yad aunga

is mein shamil hai meri bakht ki tariki bhi
tum siyah rang jo pahnoge to yad aunga

dayar-e-gair mein kaise tujhe sada dete

dayar-e-gair mein kaise tujhe sada dete
tu mil bhi jata to tujhe ganwa dete

tumhin ne ham ko sunaya na apna dukh warna
dua wo karte k ham asman hila dete

hamein ye zom raha ab k wo pukarenge
unhen ye zid thi k har bar ham sada dete

wo tera gam tha k tasir mere lahje ki
k jis ko hal sunate use rula dete

tumhen bhulna hi awwal to dastaras mein nahin
jo ikhtiyar bhi hota to kya bhula dete

tumhari yad ne koi jawab hi na diya
mere khayal k ansu rahe sada dete

samton ko main ta-umr kosta Syed
wo kuch na kahte magar honth to hila dete

Dil Ki Cho'khaat Pe Jo Ak Deep Jala Rakha Hai

Dil Ki Cho'khaat Pe Jo Ak Deep Jala Rakha Hai
Tere Loot Anay Ka Emkaan Saja Rakha Hai

Sans Taak Bhi Nahi Laite Tujhai Sochte Hoyee
Hum Ne Is Kaam Ko Bhi Kaal Pe uTha Rakha Hai

Rooth Jate Ho To Kuch Or Haseen Lagte Ho
Hum Ne Ye Soch K Hee Tum Ko Khafa Rakha Hai

Tum Jesi Rootha Howa Choor Gayee Thay Ak Din
Hum Ne Us Shaam Ko Seenay Say Laga Rakha Hai

Chein Laine Nahi Daite Ye Kisi Toor Mujhai
Teri Yadoon Ne Jo Tufaan Utha Rakha Hai

Janay Walay Ne Kaha Tha K Wo Loote Ga Zaror
Ak Isee Aass Pee Darwaza Khula Rakha Hai

Tere Janay Say Jo k Dhol Uthee Thi Ghaam Ki
Hum Ne Us Dhool Ko Ankhon Main Basa Rakha Hai

Mujh Ko Kal Shaam Say Wo Yaad Bohut Ane Lagay
Dil Ne Mud'dat Say Jo Ak Shaks Bhula Rakha Hai

Akhri Bar Jo Ayaa Tha Mere Naam
Main Ne Us Khaat Ko Kaalejay Say Laga Rakha Hai.!

kaash main tere haseen haath kaa kangan hotaa

kaash main tere haseen haath kaa kangan hotaa

tu baDe pyar se baDe chaao se baDe armaan ke saath
apani naazuk si kalayee mein chaDhati mujh ko
aur betaabi se furqat ke KhizaaN lamhon mein
tu kisi soch mein Doobi jo ghumatii mujh ko
main tere haath ki Khushbu se mahak saa jata
jab kabhi mooD mein aa kar mujhe chuma karti
tere honTon ki shiddat se main dahak saa jata

raat ko jab bhi tu neendon ke safar par jati
marmari haath kaa ik takiya banaya karti
main tere kaan se lag kar kai baaten karta
teri zulfon ko tere gaal ko chumaa karta
jab bhi tu band qabaa kholne lagati jaanaaN
apani aankhon ko tere husn se kheraa karta
mujh ko betaab saa rakhta teri chaahat kaa nashaa
main teri rooh ke gulshan mein mahakata rahta
main tere jism ke aangan mein khanakata rahta
kuchh nahi to yahi benaam saa bandhan hota

kaash main tere haseen haath kaa kangan hota

Woo ishq jo hum sae rooth gaya

Woo ishq jo hum sae rooth gaya

Abb uss ka haal bataiyen kiya
Woo ishq jo hum sae rooth gaya
Abb uss ka haal bataiyen kiya
Koi mehir nahi koi qehir nahi
Phir sacha shair sunaien kya
Woo ishq jo hum sae rooth gaya

Ek hijr jo humko laahaq hai
Ta Der usay dohraien kya
Ek hijr jo humko laahaq hai
Ta Der usay dohraien kya
Wo ZEHAR jo DIL mein utaar diya
Phir uss kay naaz uthaien kya
Wo ZEHAR jo DIL mein utaar diya
Phir uss kay naaz uthaien kya
Koi mehr nahi koi qehar nahi
Phir sacha shair sunaien kya
Woo ishq jo hum sae rooth gaya

Ek aag ghum-e-tanhai kieeee
Jo saray badan mein phail gai
Ek aag ghum-e-tanhai kieeee
Jo saray badan mein phail gai
Jab jism he sara julta ho
Phir daman-e-dil ko bachaien kiya
Jab jism he sara julta ho
Phir daman-e-dil ko bachaien kiya
Koi mehr nahi koi qehar nahi
Phir sacha shair sunaien kya
Woo ishq jo hum sae rooth gaya

HUM naghma sara kuch ghazloun kay
HUM soorat hein kuch khawaboun kay
HUM naghma sara kuch ghazloun kay
HUM soorat hein kuch khawaboun kay
Bay juzba-e-shoq sunaien kiya
KOI KHAWAB NA HO TU BATAYEN KIYA
Bay juzba-e-shoq sunaien kiya
KOI KHAWAB NA HO TU BATAYEN KIYA

Koi mehr nahi koi qehar nahi
Phir sacha shair sunaien kya
Woo ishq jo hum sae rooth gaya
Abb uss ka haal bataiyen kiya
Woo ishq jo hum sae rooth gaya
Abb uss ka haal bataiyen kiya
Woo ishq jo hum sae rooth gaya
Abb uss ka haal bataiyen kiya

Ay ishq humay burbad na kar, burbad na kar

Ay ishq humay burbad na kar, burbad na kar

Ay ishq na chera akay humay
Hum bholay hoo-on ko yad na kar
Pehelay hee bohot nashad na kar
Thoo aur humay nashad na kar

Kismuth ka sithum hee kum naheen kuch
Ye thaza situm eejad na kar
Youn zulm na kur baydar na kar

Ay ishq humay burbad na kar, burbad na kar

Rathon ko ut-utkur rothayn hai
Ro-rokay dooan-ay kurthay hai
Ankhon may thusuvur dil may khalish
Sur dhunthayhe anhen burthehe

Ay ishq ye kaysa rogi luga
Jeetay hai na zalim murthay hai
In khuabon say yoon azad na kar

Ay ishq humay burbad na kur, burbad na kar

Jis unse bunatha hai dhyan tera
Ghubiraey hooay say rehethehay
Hur waqt thasavur kar kar ke
Shurimaen hooay se rehethehay

Kumhilaey hooa phoolon ke thurha
Kumhilaey hooa se rehethehay
Pamali na kar baydar na kar

Ay ishq humay burbad na kar, burbad na kar
Ay ishq humay burbad na kar, burbad na kar

Aaj yun mosam nay di jashan-e-muhabat ki kahabar

Aaj yun mosam nay di jashan-e-muhabat ki khabar
Phoot kar ronay lagay hain main,muhabat aur tum
Hum nay juunhi kar liyaa mehsoos manzil hai kareeb
Raastay khonay lagay hain main,muhabat aur tum
Chaand ki kirnon nay hum ko is tareh bosaa diyaa
Devta honay lagay hain main,muhabat aur tum
Aaj phir mehroomion ki daastanien aorh kar
Khaak mein sonay lagay hain main,muhabbat aur tum
Kho gaye andaz bhi,awaaz bhi, alfaaz bhi
Khamoshi ddhonay lagay hain main,muhabat aur tum

Muhabbat Rooth Jaye to

Muhabbat Rooth Jaye to 
Usay Baanhon Main Lay Lena. 
Bohat He Paas kar k Tum 
Usay Jany Nahi Dena. 
Woh Daman Bhi Churaye To 
Usay Tum Qasam De Dena. 
Dilon k Maamlon Main to 
Khataaen ho He Jati Hain. 
Magar Tum in Khataaon ko 
Bahana Mat Bana Lena. 
Muhabbat Rooth Jaye to 
Usay Jaldi Mana Lena. 

hum tum bin adhure hain

Tumhain Ik Bat Kehni Hai,

'Magar Naraz Mat Hona,

'K Tum Jo Har Ghari Mujhko,

'Itna Yaad Atay Ho,

'Hamain Itna Satate Ho,

'K Hum Tum Dur Hain Dono,

'Bohat Majbur Hain Dono,

'Na Itna Yaad Ao Tum,

'Na Youn Itna Satao Tum,

'K Itna Yaad Aa Kar Yun,

'Hamain Pagal Bana K Tum,

'Faqat Itna Bata Do K,

'Hamari JAAN Lo Gay Kya?

'Magar Ye Bhi Haqeeqat Hai,

'Tumhari YAAD Hi To Hai,

'Jo Har Pal Sath Rehti Hai,

'Khushi Main Bhi, Ghamon Main Bhi,

'Udasi K Palon Main Bhi,

'Tumhari YAAD Hi To Hai,

'Jo Har Pal Ye Batati Hai,

'Mujhe Ehsas Dilati Hai,

K

"HUM TUM BIN ADHURE Hain'' 

badal tum or main

Barish , Badal 
Tum Or Main 
Khushb0 , M0sam 
Tum 0r Main 

...Kaley Badal, Rimjhim Barish 
Neela Anchal 
Tum 0r Main 

Behti Nadiyan, Girta Pani 
Ankhey, Aansu 
Tum 0r Main 

Pas Kisi Drya K K0i 
Bheega Jh0npar 
Tum 0r Main 

D0r Kahin K0yal Ki K0u K0u 
Gehra Jngal 
Tum 0r Main 

Barkha Rimjhim Geet Sunaye 
Jhurmat Daley 
Tum 0r Main 

D0r Kahin Pr Ch0ta Sa Ek 
Kach'cha Sa Ghar 
Tum 0r Main 

Kandha Tera 0r Sr Mera 
Pagl Si Chup 
Tum 0r Main 

baarish ki boondei jab shaam dhaley

~*~ Us Ki Banh0'n Mein ~*~

Baarish Ki Boondei'n Jab

Shaam Dhaley

Mere Kamre Ki Khirki Per

Apni Payal Bajati Hyn

Jab Thandi Hawa Meri Taraf

Apni Baanhei'n Phailati Hy

Jhil-mil Kerti Baarish Ki

Jal-tarang Mein Kho Jata Hoon !

Hawa Ko Bana k Saathi Apna

Us Ki Banh0'n Mein So Jata Hoon . . . ! 

Daraaz Palkain Visaal

Daraaz Palkain Visaal
Aankhein
Musawari Ka Kamaal
Aankhein
Sharaab Rab Ne
...Haraam Kar Di
To Phir Kyun Rakhi’n
Halaal Aankhein
Hazaroo'n in say Qatal
Hovay Hain
Khuda K Banday
Sambhal Aankhein… 

Woh hijar thehra, Visaal thehra

Woh hijar thehra, Visaal thehra
Kya aadmi tha kamaal thehra

Afsurdgi ke har ik nagar mein
Woh qehkahon ki misaal thehra
...
Woh kis ki khatir guzar geya hai
Sab ki khatir sawaal thehra

Haan us ke lehje ki taazgi se
Jo khawb tha woh khayal thehra

Kahan se layen rafeeq tujh sa
Mohabbaton mein zawaal thehra

Tu ne hum ko yeh dukh diya hai
Ke ab tu jeena muhaal thehra 

beniyaaz-e-Gham-e-paimaan-e-vafaa ho

beniyaaz-e-Gham-e-paimaan-e-vafaa ho,,,
tum bhii auron kii tarah mujh se judaa ho,,,,

mai'n bhii palko'n pe sajaa loongaa lahuu kii boonde'n,,,
tum bhii paabastaa-e-zanjiir-e-hiinaa ho,,,
...
Khalq kii sang_zanii merii Khataao'n kaa silaa,,,
tum to maasoom ho tum door zaraa ho,,,

ab mere vaaste taryaq hai ilhaad kaa zaher,,,
tum kisii aur pujaarii ke Khudaa ho..

Tum Se Milna K Bhanay Kitne.

Dhondty They Tum Se Milna K Bhanay Kitne." 

...Samne Reh Kr B Rahe Begaby Kitne " 

Humne To Pyaar Ka Ek Pegham Hi Diya Tha Lekin, 

Logon Ne Bana Liya Afsane Kitne." 

Dil Faqat Ek Mazaar Pe Sajda Raiz Raha, 

Sar Utha Kr Dekha To Beet Gye Zamane Kitne" 

Jb B Mila Zindagi Mein Fareb Hi Mila, 

Hum Khud Ko Samjhte Rhe Siyaane Kitne." 

Ankhien Patraha Gai Hein

Ankhien Patraha Gai Hein
Tera Intezar Krte Krte
Tuje Talash Krte Krte
Sansien Madham C Ho Gai Hein
Teri Wapsi Ki Omeed Krte Krte
Tere Sath Jene Ki Khawahish Krte Krte
Zindagi Dhalti Ja Rhi Hy
Teri Yadon Mai Ratien Berbad Krte Krte
Mere Halat Muje Sangsaar Krte Krte
Ab To Aa Jao Laut Ker Tum Zam
Kahin Chala He Na Jaey Bht Dur Yeh Dewana
Tm Se Bepanah Pyar Krte Krte

Wo ojhal meri nigahon se kahan rehta hy.

Wo ojhal meri nigahon se kahan rehta hy.

Wo ashk ban kar Aankhon se rawaan rehta hy.

Kisi lamhy tanha honay nahi deti uski yadein.

Mere Aangan mein melay ka samaan rehta hy.

Her gharri dil ka daricha khula rakhty hain.

Her gharri us ke aanay ka gumaan rehta hy.

Log kehty hain zakham bhar jatay hain aakhir.

Zakham bhar jatay hain lekin nishaan rehta hy.

Wo milay to itna bata dena usko.
Tujh bin Tera pyar preshaan rehta hy.,.

Kbhi Ulfat Bhara Lehja Kbhi Utra Hua Chehra,

Kbhi Ulfat Bhara Lehja Kbhi Utra Hua Chehra, 
Samajh Mein Kuch Nahi Aata Bata MERA Gunah Kya Hy...? 
Meri Uljhan Mita Tou Dy, 
Mujhy Itna Bata Tou Dy, 
Main Mujrim Hoon Ya Mehram Hun Saza Kya Hy Jazaa Kya Hy...? 
Meri Saansei'n Tou Chalti Hain Teri Yaad0'n Sy Aey Humdam... 
Nahi Fursat K Ye Soch0'n Fana Kia Hy Baqa Kia Hy...? 
MERA Ye Dil, 
Meri Dharkan, 
Meri Saansei'n Ye Jaan... 
Ye Sb Kuch Naam TERE Hy Bata Peeche Bacha Kya Hy...? 

Mohabaton Me Kuch Aise B Haal Hote Hain,,

Mohabaton Me Kuch Aise B Haal Hote Hain,, 
Khafa Hon Jin Se Unhin K Khayal Hote Hain,, 
Machalte Rehte Hain Zehnon Me Was'Wason Ki Tarha,, 
Haseen Log B Jaan Ka Wabaal Hote Hain,, 
Mai Dil K Zakham Chupaon Teri Tarha Kaise,, 
K Tere Paas To Lafzon K Jaal Hote Hain,, 
Bus Ek Tu Hi hy Sabab Udasi Ka,, 
Tarha Tarha K Dil Ko Malaal Hote Hain 
Seyaah Raat Me Jalte Hain Jugnuon Ki Tarha 
Dilon K Zakham B Kamaal Hote Hain.....! 

Mujy Mohabaton Se Kuch Mila Nhi,

Mujy Mohabaton Se Kuch Mila Nhi, Mujy Tum Sa B Koi Gila Nhi.

Meri Zindagai Ha Ek Aesa Ulja Sawal, Jo Aaj Tuk Kisi Sa Sulja Nhi.

Meri Zaat Sa Kisi Ko Koi Takleef Ho, ......Me Nay To Kabhi Ye Chaha Nhi

Her Ek Nay Muj Hee Ko Dard Dia,
Mera Tu Dard B Kisi Nay Samja Nhi.

Q Me Raston Ko Ilzam Dohn?
Mera Hamsafar Hi Sath Chala Nhi.

Ma Us Ko Bewafa Sa Lagta Hon,
Jisay Khud Wafa Ka Pata Nhi 

wo bheegay pal, wo bheegi yadai,

wo bheegay pal, wo bheegi yadai,

wo tanha ratay, wo tairi btay, 

bhula nhi, bhula nhi,

sari dunia ka me ne pyar paya tairay kadmo mai,

jee gia me tairay sang sadio ko chand lamho mai,

wo bheegay pal, wo bheegi yadai,

wo tanha ratay, wo tairi btay,

bhula nhi, bhula nhi,

to aarzo to justju tairay siwa kuch nhi,

din dupeher ab hr seher khalti hai tairi kmi,

gahay ba gahay mairi saans b mujh ko lgti hai saza,

wo bheegay pal, wo bheegi yadai,

wo tanha ratay, wo tairi btay,

bhula nhi, bhula nhi,

aey zindagi taiary bina jina nhi hai mjhe,

sajda karo rub say kaho day day dua mai tjhai,

mehfooz rkh lu tjhe apnay dil mai mairay dil ki hai yai sada,

wo bheegay pal, wo bheegi yadai,

wo tanha ratay, wo tairi btay,

bhula nhi, bhula nhi,

mujhe tum nazar say gira tou rahaye ho

mujhe tum nazar say gira tou rahaye ho
mujhe tum kabhi bhi bhula na sakogaye
na jaanaye mujhe kyoun yaqeen ho chala hai
meray pyaar ko tum mitta na sakogaye

meri yaad hogi jidhar jaogaye tum
kabhi naghma bun kay kabhi bun kay aanso
tarapta mujhe har taruf paogaye tum
shamma jo jalaee hai meri wafa naye
bhujana bhi chahoo bhuja na sakogaye

kabhi naam baatoun main aya jo mera
tou baychain ho ho kay dil thaam logaye
nighaoun main chayega ghum ka andhera
kissi ne jo poocha sabub aansoun ka
batana bhi chaaho bata na sakogaye

Mujhe tum nazar se gira tou rahaye ho
Mujhe tum kabhi bhi bhula na sakogaye 

Ranjish hi sahi dil hi dukhaanay kay liyay aa

Ranjish hi sahi dil hi dukhaanay kay liyay aa
aa phir say mujhay chhorr kay jaanay kay liyay aa

pehlay say maraasim na sahi phir bhi kabhi to
rasm-o-rahay duniya hi nibhaanay kay liyay aa

kis kis ko bataayengay judaai kaa sabab ham
tu mujh se khafaa hai to zamaanay kay liyay aa

kuchh to meri pindaar-e-mohabbat ka bharam rakh
tu bhi to kabhi mujh ko manaanay kay liyay aa

ek umr say hun lazzat-e-giryaa se bhi mehruum
aye raahat-e-jaan mujh ko rulaanay kay liyay aa

ab tak dil-e-khush_feham ko tujh say hain ummeedain
ye aakhari shammain bhi bujhaanay kay liyay aa 

Khabon mein mery na tum aya karo

Khabon mein mery na tum aya karo
Meri jaan mujhy na staya karo

Aa kar jo deti ho khushiyan mujhy
To ja kar mujhy na rulaya karo

Muntazir hon tum sy milny ko main
Intazar mein na mujh ko tarpaya karo

Jajti hai khushi chehry par tery
Dekh kar mujhko bhi muskraya karo

Na chhorna ALI ko kabhi bhi ay dost
Khush reh kar khushian lutaya karo

Shola Tha Jal Bujha Hoon Hawayein Mujhe Na Do

Shola Tha Jal Bujha Hoon Hawayein Mujhe Na Do

Main Kab Kaa Jaa Chukaa Houn Sadaayein Mujhe Na Do

Jo Zahar Pii Chukaa Houn Tumhin Ne Mujhe Diya Tha

Ab Tum To Zindagii Kii Duaayein Mujhe Na Do

Aisaa Kahin Na Ho Ke Palatakar Na Aa Sakuun

Har Baar Duur Jaa Ke Sadaayein Mujhe Na Do

Kab Mujh Ko Aiteraaf-E-Muhabbat Na Thaa Faraaz
Kab Main Ne Ye Kaha Tha Sazayein Mujhe Na Do

Hum Ko Kiske Gham Ne

Hum Ko Kiske Gham Ne 

Dil ki chottoon ne kabhi
Chaen se rehne na diya
Jab chali sard hawa, mein ne tujhe yaad kiya
Is ka rona nahi
Kyoon tum ne kiya dil barbaad
Is ka gham hai keh bohat dair mein barbaad kiya

Hum ko kis ke gham ne mara
Yeh kahani phir sahi
Kis ne torra dil humara
Yeh kahani phir sahi

Dil ke lutne ka sabab, poocho na sab ke saamne
Naam aye ga tumhara
Yeh kahani phir sahi

Nafratoon ke teer kha kar
Dostoon ke shehar mein
Hum ne kis kis ko pukara
Yeh kahani phir sahi

Kya bataein, pyaar ki baazi, wafa ki raah mein
Kon jeeta kon hara
Yeh kahani phir sahi..

milkar juda huye tho na soya karenge hum

milkar juda huye tho na soya karenge hum
ek doosre ke yaad meiN roya karenge hum

aaNsoo chalak chalak ke sathaayenge raath bhar
moti palak palak meiN piroyaa karenge hum

jab dooriyoN ki yaad diloN ko jalaayegi
jismoN ko chaandni meiN bhigoya karenge hum

gar de gaya daga hameN toofan bhi 'qateel'
sahil pe kashtiyoN ko doobOya karenge hum

yeh mojeza bhi mohabbat kabhi dikhaaye muJhe

yeh mojeza bhi mohabbat kabhi dikhaaye muJhe
ke sang tuJhpe gire aur zakhm aaye muJhe

wo meharbaaN hai tho ikraar kyooN nahiN kartha
wo badgumaaN hai tho sau baar aazmaaye muJhe

wo mera dost hai saare jahaaN ko hai maaloom
daga kare wo kisi se tho sharm aaye muJhe

maiN apni zaat meiN neelam ho raha hooN 'qateel'
gham-e-hayaat se keh do khareed laaye muJhe

dil ko gham-e-hayaat gaNwaara hai in diNo

dil ko gham-e-hayaat gaNwaara hai in diNo
pehle jo dard tha wahi chaara hai in diNo

ye dil zara sa dil teri yaadoN meiN kho gaya
zaRRe ko aandhiYon ka sahara hai in diNo

tum aa sako to shab ko baDha dooN kuch aur bhi
apne kahe meiN subhO ka taara hai in diNo

apne haathoN kee lakiroN meiN basa le muJhko

apne haathoN kee lakiroN meiN basa le muJhko
main hooN tera to naseeb apna bana le muJhko


muJhse too poochne aaya hai wafa ke maani
ye teri saadaa-dili maar na Daale muJhko


khud ko maiN baaNt na DaalooN kahiN daaman-daaman
kar diya tune agar mere hawaale muJhko


waada fir waada hai maiN zehar bhi pee jaaooN 'qateel'
shaRt ye hai koi baahoN meiN sambhaale muJhko

Main hosh mein tha to phir us pay mar gaya kaisay

Main hosh mein tha to phir us pay mar gaya kaisay
yeh zeher meray laho mein utr gaya kaisay

kuch us dil mein lagawat zaroor thi werna
woh mera hath daba ker guzr gaya kaisay

zaroor us ki tawajo ki rehbari ho gi
nashe mein tha to main apne hi gher gaya kaisay

jise bhulayee kayee saal ho gaye "Kamil"
main aaj us ki gali say guzr gaya kaisay

main hosh mein tha to phir us pay mar gaya kaisay 
yeh zehr meray laho mein utr gaya kaisay

Mujhse bichad ke khush rehte ho

Mujhse bichad ke khush rehte ho

Meri tarah tum bhi jhoote ho

Ik tahni par chaand Tika thaa

Main ye samjha tum baithe ho

Ujle ujle phool khile the

Bilkul jaise tum hanste ho

Mujhe shaam bata deti hai

 Tum kaise kapde pehne ho

Tumh tanha duniya se ladoge

Bachhon si baaten karte ho

Teri aankhon mein humne kya dekha

Teri aankhon mein humne kya dekha...
Kabhi KAATIL kabhi KHUDA dekha...
Teri aankhon mein humne kya dekha....


Na rahi chaah koi jannat ki,
Jab tere ghar ka raasta dekha...
Teri aankhon mein humne kya dekha....


Tere jaane mein or aane mein,
Humne sadiyon ka faansa dekha....


Teri aankhon mein humne kya dekha....
Kabhi KAATIL kabhi KHUDA dekha....

yaadein hein kuch aesi tery naam se wabasta

yaadein hein kuch aesi tery naam se wabasta
her subha hy jesay shaam se wabasta


bus tery taswar se fursathi nahi melti
rehti hy teri yadain saans se wabasta


laakhon hein tamnnaien pher ye dua hy
bus naam rhy mera tery naam se wabasta

AGAR WO PAYAR KR LIETA

AGAR WO PAYAR KR LIETA
mera daman pakr leita tu
jeewan me fqatuss se mohabat farz ho jati
mohabat qarz ho jati
magar
acha kia uss ne
mujhy smjha k chall nikla
mujhy thukra k chal nikla
bohat nadan sa hy wo abi anjhan sa hy wo
kahan maloom hy uss ko
mohabat zindagi me faqt ik bar milti hy
agar thukra k chal niklein
to
umrain beet jati hein mohabat ki tamna me
magar
hr ik rasty pe sirf ruswai milti hy
faqt tanhai milti hy

Mujhe Tumse Mohabbat Ho Gayi Hai

Mujhe Tumse Mohabbat Ho Gayi Hai
Yeh Duniya Khoobsurat Ho Gayi Haii


Mujhe Tumse Mohabbat Ho Gayi Hai
Khuda Se Roz Tumko Maangta Hoon


Meri Chahat Ibaadat Ho Gayi Hai
Yeh Duniya Khoobsurat Ho Gayi Hai


Mujhe Tumse Mohabbat Ho Gayi Hai


Woh Chehra Chaand Hai Aankhen Sitaaren
Zameen Phoolon Ki Jannat Ho Gayi Hai


Yeh Duniya Khoobsurat Ho Gayi Hai
Mujhe Tumse Mohabbat Ho Gayi Hai


Bahut Din Se Tumhe Dekha Nahi Hai
Chale Bhi Aaon Muddat Ho Gayi Hai


Yeh Duniya Khoobsurat Ho Gayi Hai
Mujhe Tumse Mohabbat Ho Gayi Hai

Agar hum kahen aur vo muskuraa de

Agar hum kahen aur vo muskuraa de
Hum unke liye zindagaanii luTaa de 
Har ek moD par ham Gamon ko sazaa de
Chalo zindagii ko muhabbat banaa de 
Agar Khud ko bhuule to kuchh bhii na bhuule
Ke chaahat men unakii Khudaa ko bhulaa de 
Kabhii Gam kii aaNdhii jinhen chhuu na paaye
Wafaao ke hum woh nasheman banaa de 
Qayaamat ke diiwaane kahate hain humse
Chalo unake chehare se pardaa haTaa de 
Sazaa de silaa de, banaa de miTaa de
Magar vo koii faisalaa to sunaa de 

Kabhi yun bhi toh ho

Kabhi yun bhi toh ho
Dariya ka sahil ho
Poore chand ki raat ho
Aur tum aao


Kabhi yun bhi toh ho
Pariyon ki mehfil ho
Koi tumhari baat ho
Aur tum aao


Kabhi Yun bhi toh ho
Kabhi yoon bhi toh ho
Ye narm mulayam thandi hawayein
Jab ghar se tumhare guzrein
Tumhari khushboo churayein
Mere ghar le aayein


Kabhi Yun bhi toh ho
Sooni har mehfil ho
Koi na mere saath ho
Aur tum aao


Kabhi Yun bhi toh ho
Kabhi yoon bhi toh ho
Ye badal aisa toot ke barse
Mere dil ki tarah milne ko
Tumhara Dil bhi tarse
Tum niklo ghar se


Kabhi Yun bhi toh ho
Tanhai ho dil ho
Boondein ho barsaat ho
Aur tum aao


Kabhi yun bhi toh ho
Darya ka sahil ho
Poore chand ki raat ho
Aur tum aao