Jo khayal they na qayas they wohi log mujh sey bichaR gaye
jo mohabbaton ki asaas they wohi log mujh sey bichaR gaye
Jinhain maanta hi nahi ye dil wohi log merey hain ham'safar
mujhey har terha sey jo raas they wohi log mujh sey bichaR gaye
Mujhey lamha bhar ki rifaaqaton key saraab bohat satayen gey
meri umr bher ki jo pyaas they wohi log mujh sey bichaR gaye
Ye jaal saarey hain aarzi ye gulaab saarey hain kaaghazi
gul-e-aarzoo ki jo baas they wohi log mujh sey bichaR gaye
Jinhain ker saka na qubool mai wohi shareek-e-raah safer huye
jo meri talab meri aass they wohi log mujh sey bichaR gaye
Meri dhaRkanon key qareeb they meri chah they mera khwaab they
wo jo roz-o-shab merey pass they wohi log mujh sey bichaR gaye
No comments:
Post a Comment