Chaloo AiK nazam likhte hain

Chaloo AiK nazam likhte hain
Kisi ke naam karte hai
Magar ye sochna hai aab
K us main zikar kis ka ho
...K us main baat kis ke hoo
K us main zaat kis ki hoo
Aur ye bhi farz karte hain
K jiss pe nazum likhte hain
Humein us se muhabat hai
Hamare sare jazboon ko
Bus us ki he zarorat hai
Chaloo AiK kam karte hain
K hum Jo nazam likhte hain
Tumhare naam karte hain
Tum he unwan ho is ke
Tumhara zikir hai is main
Tumhari baat hai is main
Tumhari zaat hai is main
Tu phir ye farz bhi hoga
Humain tum se muhabat hai
Hamare saray jazboon ko
Tumhari hi zarorat hai
Magar kia farz karne se
Kabhi aysa bhi hota hai
K hum Jo farz karte hain
Haqeqat main hi aysa ho
Magar ye bhi to mumkin hai
K apni nazum ka jiss ko
Hum ne unwan banaya hai
Usse is ki khabar na hoo
Humari Jo muhabat hai
Koi uss ki muhabat hoo
Aur us ke saray jazbon ko
Bus us ki hi zarorat ho
Kisi ko apne nazmon ka
Who bhi unwan banata ho
Aur apni sari nazmon ko
Ussi ke naam karta hoo…