sabz madham roshni meN, surkh aanchal ki dhanak
sard kamrey meN machelti garam sansoN ki mehak
bazuoN ke skakht halqey meN koi nazuk badan
salwatteN malboos par, aanchal bhi kuch dhalka hua
garmi e rukhsaar se dhaki hui thanddi hawa
narm zulfoN se mulayeM ungliyoN ki cherr charr
surkh hontoN par shararat kay kissi lamhe ka aks
reshmeeN bahoN meN choorri ki kabhi madham khanak
sharmageeN lehjoN meN dheerey se kabhi chahat ki baat
do diloN ki dharrknoN meN goonjti thi ik sada
kampte hontoN peh thi Allah sey siraf ik dua
kaash yeh lamhe theher jaeN, theher jaeN zara.
No comments:
Post a Comment