Ab aisi muhabbat kya karni , Jo neend chura le aankhoon se

Ab aisi muhabbat kya karni 
Jo neend chura le aankhoon se 
Jo khwaab dikha kar phooloon ke 
Tabeer mein kaantay de jaaye 
Jo gham ki kaali raatoon se 
Har aas ka jugnoo le jaaye 
Jo khwaab sajaati aankhoon ko
Aansoo hi aansoo de jaaye
Jo mushkil kar de jeenay ko
Jo marnay ko asaan kare
Woh dil Jo pyar ka saagar ho
Woh yaadoon ko mehmaan kare
Kehnay ko muhabbat hai lekin
Ab aisi muhabbat kya karni ...