Mere Qurb Say Mere Wajood Tak

Mere Qurb Say Mere Wajood Tak
Usay Ikhtelaaf To Sada Ka Hai

Mere Ghum Say Mere Junon Tak
Ye Faasla Bus Anaa Ka Hai
...
Meri Zindagi Say Meri Saans Tak
Wo Faasla Bas Duaa Ka Hai

Meri Baat Say Tere Zikar Tak
Koi Silsala Jo Hawa Ka Hai

Meri Haqeeqat Say Mere Khuwaab Tak
Wo Bey-Khabar Inteha Ka Hai

Mere Weham Say Mere Gumaan Tak
Ye Marhala Wafa Ka Hai

Meri Talab Say Mere Naseeb Tak
Ye Maumla Khuda Ka Hai